ఏలూరు జిల్లా దుగ్గిరాలలో టీటీడీ, చింతమనేని ట్రస్ట్ సంయుక్త ఉచిత మెగా వైద్య శిబిరం

ఏలూరు జిల్లా పెదవేగ మండలం దుగ్గిరాలలో టీటీడీ, చింతమనేని ఛారిటబుల్ ట్రస్ట్ సంయుక్తంగా ఉచిత మెగా వైద్య శిబిరాన్ని నిర్వహించాయి. ఈ శిబిరంలో ఎమ్మెల్యేలు చింతమనేని ప్రభాకర్, బడేటి రాధాకృష్ణయ్య పాల్గొన్నారు.

వైద్యులు రోగులను పరీక్షించి అవసరమైన మందులను ఉచితంగా అందించారు. ఆర్థో సమస్యలు ఉన్నవారికి శస్త్ర చికిత్సలు అవసరమైతే వాటిని ప్లాన్ చేస్తున్నారు. టీటీడీ బర్డ్ హాస్పిటల్ సిబ్బంది వైద్య సేవలు అందించడాన్ని ఎమ్మెల్యేలు అభినందించారు.

టీటీడీ బర్డ్ ట్రస్ట్ హాస్పిటల్ ఇప్పటివరకు దేశవ్యాప్తంగా 320కి పైగా ఉచిత ఆర్థోపెడిక్ శిబిరాలు నిర్వహించింది. ఈ శిబిరాల్లో 8 లక్షల మందికి పైగా రోగులను పరీక్షించి ఉచితంగా శస్త్ర చికిత్సలు చేసినట్లు నిర్వాహకులు తెలిపారు. జిల్లా ప్రజలు ఈ శిబిరాన్ని సద్వినియోగం చేసుకోవాలని ఎమ్మెల్యే చింతమనేని ప్రభాకర్ విజ్ఞప్తి చేశారు.