తిరుమలలో భారీ రద్దీ: TTD సర్వదర్శన క్యూ లైన్లలోకి ప్రవేశంపై ఆంక్షలు

తిరుమలలో భారీ రద్దీ నేపథ్యంలో TTD సర్వదర్శన క్యూ లైన్లలోకి భక్తుల ప్రవేశాన్ని నిలిపివేసింది. మరుసటి రోజు ఉదయం 6 గంటల తర్వాత మాత్రమే భక్తులు క్యూ లైన్లోకి రావాలని TTD ప్రకటించింది.

వైకుంఠం క్యూ కాంప్లెక్స్ 1, 2 లోని కంపార్ట్‌మెంట్లు పూర్తిగా నిండిపోయాయి. నారాయణగిరి ఉద్యానవనంలో ఏర్పాటు చేసిన షెడ్లు కూడా నిండిపోయాయి. క్యూ లైన్లు బాటగంగమ్మ ఆలయం వరకు దాదాపు 3 నుండి 4 కిలోమీటర్ల మేర విస్తరించాయి.

ప్రస్తుత రద్దీ పరిస్థితుల్లో దర్శనానికి 24 గంటలకు పైగా సమయం పట్టే అవకాశం ఉందని TTD తెలిపింది. క్యూ లైన్లలో బాత్రూమ్ సదుపాయాలు, షెడ్ల కింద ఫ్యాన్లు ఏర్పాటు చేశారు.

భక్తుల సంఖ్య నిర్వహించేందుకు TTD ఈ నెల 6వ తేదీ నుండి బ్రేక్ దర్శనాలను పూర్తిగా రద్దు చేసింది. సిఫారసు లేఖలతో వచ్చే వారికి బ్రేక్ దర్శనాలు ఇవ్వడం లేదు. ప్రముఖులు నేరుగా వస్తే మాత్రమే protocol దర్శనాలు అనుమతిస్తున్నారు. సర్వదర్శనానికి వచ్చే సామాన్య భక్తులకు ప్రాధాన్యం ఇస్తున్నారు.

వేసవి సెలవుల ముగింపు దశలో భక్తుల సంఖ్య భారీగా పెరగడంతో ఈ పరిస్థితి నెలకొంది.