వేసవిలో తిరుమల భక్తుల సౌకర్యార్థం TTD విస్తృత ఏర్పాట్లు

వేసవి కాలంలో తిరుమలకు వచ్చే భక్తుల సంఖ్య పెరగడంతో TTD విస్తృత ఏర్పాట్లు చేపట్టింది. ఎండ తీవ్రత నుంచి ఉపశమనం కల్పించేందుకు పలు చర్యలు తీసుకుంది.

బాట గంగమ్మ సర్కిల్ నుంచి గోవర్ధన డ్యాం మీదుగా Outer Ring Road వరకు చలువ పందెళ్లు ఏర్పాటు చేశారు. వైకుంఠం Queue Complex నుంచి Museum ప్రాంగణం, నారాయణగిరి ఉద్యానవనాల్లో నీడ కల్పించే shelters నిర్మించారు. నాలుగు మాడ వీధుల్లో synthetic enamel cool paint వేయడం ద్వారా నేల వేడి తగ్గించే చర్యలు తీసుకున్నారు. క్యూ లైన్లలో తాత్కాలిక మరుగుదొడ్లు కూడా ఏర్పాటు చేశారు.

తరిగొండ వెంగమాంబ Trust ఆధ్వర్యంలో భక్తులకు నిరంతరాయంగా తాగునీరు, అన్నప్రసాదాలు పంపిణీ చేస్తున్నారు. ఉదయం పాలు, ఉప్మా, పొంగల్ అందిస్తున్నారు. మధ్యాహ్నం సాంబార్ అన్నం, పులిహోర, టమాటా రైస్ అందిస్తున్నారు. రాత్రికి పాలు, ఉప్మా, సాంబార్ అన్నం పంపిణీ చేస్తున్నారు. రద్దీ ఎక్కువగా ఉండే ప్రాంతాల్లో mobile water drums ద్వారా తాగునీరు అందిస్తున్నారు. Outer Ring Road లో ఒక mobile first aid centre కూడా అందుబాటులో ఉంచారు.

ప్రస్తుతం తిరుమలలో దాదాపు 7,500 గదులు, ఐదు యాత్రికుల వసతి సముదాయాలు అందుబాటులో ఉన్నాయి. గదులు పొందలేని భక్తుల కోసం దాదాపు 9,000 lockers అందుబాటులో ఉన్నాయి. అయితే ఇవన్నీ ప్రస్తుతం నిండుగా ఉన్నాయి. 60,000 మంది భక్తులకు మించి వసతి కేటాయించే వీలు లేదని TTD తెలిపింది.

తలనీలాల సమర్పణ కోసం ప్రధాన కళ్యాణ కట్ట తో పాటు 11 mini కళ్యాణ కట్టలు అందుబాటులో ఉన్నాయి. మే 16, 17 తేదీల్లో 90,000కు పైగా భక్తులు స్వామిని దర్శించుకున్నారు. మే 18, 19, 20 తేదీల్లో 43,000కు పైగా భక్తులు తలనీలాలు సమర్పించారు.