రైతులకు తుమ్మల హెచ్చరిక: 30% వర్షపాతం లోటు, వరి నాట్లు వేయొద్దు

తెలంగాణ వ్యవసాయ శాఖ మంత్రి తుమ్మల నాగేశ్వరరావు రైతులకు హెచ్చరిక జారీ చేశారు. రాష్ట్రంలో ఇప్పటివరకు 30% వర్షపాతం లోటు ఉందని, రైతులు తొందరపడి వరి నాట్లు వేయవద్దని ఆయన సూచించారు.

హైదరాబాద్ గాంధీ భవన్ లో రైతులు, అధికారులతో సమావేశమైన మంత్రి, ఎల్ నినో ప్రభావం రాబోయే రెండు నెలల్లో తీవ్రంగా ఉంటుందని వాతావరణ నిపుణుల హెచ్చరికలను ప్రస్తావించారు. రైతులు ప్రణాళిక ప్రకారం సాగు చేయాలని, ప్రత్యామ్నాయ పంటలపై దృష్టి సారించాలని సూచించారు. నీటిపారుదల, భూగర్భ జలాలు, పశుసంవర్ధక శాఖల సమన్వయంతో ప్రతి వారం సమీక్షలు నిర్వహిస్తామని తెలిపారు.

మరోవైపు, ఆయిల్ పామ్ సాగు విస్తరణపై చర్చించేందుకు ప్రధాని మోదీతో పాటు కేంద్ర వ్యవసాయ మంత్రికి లేఖలు రాశారు. దేశవ్యాప్తంగా ఆయిల్ పామ్ సాగులో 75% దక్షిణాది రాష్ట్రాలదే అని ఆయన తెలిపారు. ఈ విషయంపై ప్రధానితో అపాయింట్మెంట్ కావాలని కోరారు.