ప్రధాని మోదీ నేతృత్వంలో నేడు కేంద్ర మంత్రివర్గ సమావేశం: పార్లమెంట్, మంత్రివర్గ పునరుద్ధరణపై చర్చ

ప్రధాని నరేంద్ర మోదీ అధ్యక్షతన ఈ రోజు ఉదయం 11 గంటలకు కేంద్ర మంత్రివర్గం సమావేశం కానుంది. పార్లమెంట్ సమావేశాలు, మంత్రివర్గ పునరుద్ధరణపై ఈ సమావేశంలో చర్చించే అవకాశం ఉన్నట్లు మీడియా నివేదికలు తెలుపుతున్నాయి.

ఈ సమావేశానికి కొత్తగా మంత్రి పదవులు పొందే అవకాశం ఉన్న నాయకులను మాత్రమే ఆహ్వానించినట్లు సమాచారం. మంత్రివర్గంలో మహిళలకు ప్రాధాన్యత ఇవ్వాలని, రాబోయే ఏడాది అసెంబ్లీ ఎన్నికలు జరిగే రాష్ట్రాలకు ఎక్కువ మంత్రి పదవులు కేటాయించాలని ఎన్డీఏ ప్రభుత్వం యోచిస్తోందని సమాచారం. కొంతమంది ప్రస్తుత మంత్రులను తప్పించి వారికి పార్టీ బాధ్యతలు అప్పగించే అవకాశం ఉన్నట్లు తెలుస్తోంది.

తెలంగాణ నుంచి మంత్రివర్గంలో చోటు కోసం డీకే అరుణ, ఈటల రాజేందర్, రఘునందన్ రావు, అరవింద్ వంటి నేతల పేర్లు చర్చలో ఉన్నాయి. అయితే వీటిపై అధికారిక ప్రకటన రాలేదు. పార్లమెంట్ సమావేశాల్లో పలు కీలక బిల్లులు చర్చించనున్నట్లు సమాచారం.