CAA నిబంధనల అమలుపై కేంద్ర హోం శాఖ కీలక నిర్ణయం

కేంద్ర హోం శాఖ పౌరసత్వ సవరణ చట్టం (CAA) నిబంధనల అమలుపై కీలక నిర్ణయం తీసుకుంది.

2024 మార్చి 11 నాటి నిబంధనలు ఏ రాష్ట్రాలు, కేంద్రపాలిత ప్రాంతాలకు వర్తిస్తాయో హోం శాఖ స్పష్టం చేసింది. గుజరాత్, రాజస్థాన్, పంజాబ్, పశ్చిమ బెంగాల్, అసోం, త్రిపుర, జమ్మూ కాశ్మీర్, లడఖ్‌లకు ఈ నిబంధనలు వర్తిస్తాయని తెలిపింది. అసోం, త్రిపురలోని గిరిజన ప్రాంతాలకు మినహాయింపు ఉంది.

ఈ నిర్ణయం పౌరసత్వ చట్టంలోని Section 6B, 2009 పౌరసత్వ నిబంధనల్లోని Rule 11A కింద తీసుకున్నట్టు హోం శాఖ తెలిపింది. నిబంధనలు వర్తించని ప్రాంతాల్లో Section 6B కింద పెండింగ్‌లో ఉన్న దరఖాస్తులను Empowered Committee, జిల్లా స్థాయి కమిటీల నుంచి సంబంధిత కలెక్టర్లకు బదిలీ చేయాలని ఆదేశించింది.

అలాగే ఈ ఏడాది ఫిబ్రవరి 20, మార్చి 2న జారీ చేసిన రెండు ఉత్తర్వులను హోం శాఖ రద్దు చేసింది.