తిరుమలలో కేంద్ర మంత్రి రామ్మోహన్ నాయుడు కుటుంబంతో వెంకటేశ్వర స్వామి దర్శనం

కేంద్ర మంత్రి రామ్మోహన్ నాయుడు కుటుంబ సభ్యులతో తిరుమలలో వెంకటేశ్వర స్వామిని దర్శించుకున్నారు. తన కుమారుడి పుట్టు వెంట్రుకల కార్యక్రమం కోసం కాలినడకన తిరుమల చేరుకున్నారు.

ఉదయం VIP బ్రేక్ దర్శనంలో స్వామిని దర్శించుకున్నారు. అనంతరం రంగనాయకుల మండపంలో వేద పండితులు ఆశీర్వదించారు. అధికారులు తీర్థ ప్రసాదాలు అందజేశారు.

వేసవి సీజన్, సెలవుల కారణంగా తిరుమలకు భక్తుల రద్దీ పెరిగిందని మంత్రి పేర్కొన్నారు. ఈ నేపథ్యంలో TTD EO, JEO, చైర్మన్ సహా అధికారుల బృందం చేస్తున్న సేవలను ఆయన అభినందించారు. వేసవి తీవ్రత దృష్ట్యా తిరుమలకు వచ్చే భక్తులు తగిన జాగ్రత్తలు పాటించాలని సూచించారు.