యూరియా బస్తాలు ఆలస్యం: యాప్ బుకింగ్ చేసినా రైతులకు ఇబ్బందులు

రాష్ట్రంలోని రైతులు యూరియా సరఫరా ఆలస్యంతో ఇబ్బంది పడుతున్నారు. ఎకరాకు ఒకటి నుంచి రెండు యూరియా బస్తాలు మాత్రమే అందుతున్నాయని రైతులు చెబుతున్నారు. తమకు కావాల్సినన్ని బస్తాలు ఇవ్వడం లేదని వారు ఆవేదన వ్యక్తం చేస్తున్నారు.

యాప్ ద్వారా యూరియా బస్తాలు బుక్ చేసినా సకాలంలో అందడం లేదని రైతులు ఆగ్రహం వ్యక్తం చేస్తున్నారు. ఉదయం 7 గంటల నుంచి క్యూ లైన్లలో నిలబడిన తర్వాత కూడా సమయానికి బస్తాలు ఇవ్వడం లేదు. గంటల తరబడి లైన్లో నిలబడలేక క్యూ లైన్లో చెప్పులు పెట్టి నిరీక్షించాల్సి వస్తోందని రైతులు తెలిపారు.

కొంతమంది రైతులకు యాప్ బుకింగ్ చేయడానికి ఆండ్రాయిడ్ ఫోన్లు లేవు. దీంతో యాప్ బుకింగ్ కూడా కష్టంగా మారిందని వారు చెబుతున్నారు. ఎకరాకు కనీసం నాలుగు బస్తాలు ఇవ్వాలని రైతులు డిమాండ్ చేస్తున్నారు. సకాలంలో ఎరువులు సరఫరా చేయాలని కూడా వారు కోరుతున్నారు.

నిన్న తంగాలపల్లి గంగీరావుపేటలో కూడా యూరియా బస్తాలు సమయానికి రాలేదు. అక్కడ రైతులు క్యూ లైన్లలో చెప్పులు పెట్టి నిరీక్షించారు. సకాలంలో యూరియా బస్తాలు అందించాలని రైతులు డిమాండ్ చేస్తున్నారు.