అమెరికా-ఇరాన్ శాంతి ఒప్పందం: స్ట్రెయిట్స్ ఆఫ్ హార్మోస్ త్వరలో తెరిచే అవకాశం - నిపుణుల విశ్లేషణ

అమెరికా-ఇరాన్ మధ్య శాంతి ఒప్పందం ఖరారయ్యిందని, త్వరలో సంతకాలు జరగనున్నట్లు వార్తలు వస్తున్నాయి.

అంతర్జాతీయ వ్యవహారాల నిపుణులు డాక్టర్ సంజయ్ పులిపాక ఈ విషయంపై విశ్లేషణ అందించారు. ఒప్పందం ప్రకారం స్ట్రెయిట్స్ ఆఫ్ హార్మోస్ జలసంధిని శుక్రవారం లేదా శనివారంలోపు తెరిచే అవకాశం ఉందని ఆయన తెలిపారు.

ఈ ఒప్పందం ఇజ్రాయిల్, ఇరాన్, లెబనాన్ సహా పశ్చిమాసియా ప్రాంతంలో యుద్ధాలు పూర్తిగా నిలిచిపోయేలా అమలు కావచ్చని వార్తలు వస్తున్నాయి. అయితే, ఇరాన్ అణు కార్యక్రమం, వివిధ బ్యాంకుల్లో స్తంభింపజేసిన ఇరాన్ నిధుల విడుదల వంటి కీలక అంశాలపై ఇంకా స్పష్టత రాలేదని ఆయన పేర్కొన్నారు.

ఒప్పందం పూర్తిస్థాయిలో అమలైతే ప్రపంచ చమురు ధరలు తగ్గుముఖం పట్టే అవకాశం ఉంది. ఇప్పటికే అంతర్జాతీయ మార్కెట్లో చమురు ధరలు కొద్దిగా తగ్గాయి. భారతదేశంలా ఎల్పీజీ, ఎల్ఎన్జీ, ఎరువుల దిగుమతి సాఫీగా సాగుతుందని, ఇంధన రంగంలో ఊరట లభిస్తుందని విశ్లేషించారు.

ఈ ఒప్పందంపై శుక్రవారం జెనీవాలో సంతకాలు జరగవచ్చని తెలుస్తోంది. కాకపోతే, పూర్తి వివరాలు ఇంకా వెల్లడి కాలేదు.