తాడిచెర్ల గని అనుమతులు త్వరగా ఇవ్వాలి: MP వంశీ కృష్ణ

తాడిచెర్ల కోల్ బ్లాక్ గనిని పెద్దపల్లి ఎంపీ గడ్డం వంశీ కృష్ణ శనివారం సింగరేణి అధికారులతో కలిసి సందర్శించారు. పర్యావరణ అనుమతులు త్వరగా తీసుకువచ్చి మూడు నెలల్లో గని పనులు ప్రారంభించాలని ఆయన కేంద్రాన్ని కోరారు.

తాడిచెర్ల మైన్ పేరిట రాజకీయాలు ఆడవద్దని వంశీ కృష్ణ హెచ్చరించారు. కాంగ్రెస్, బీజేపీ, బీఆర్ఎస్ అన్న తేడా లేకుండా ఈ ప్రాజెక్టును అభివృద్ధి బాటలో నడిపించాలన్నారు. గని పనులు మొదలైతే ఈ ప్రాంతంలో ఉపాధి అవకాశాలు పెరుగుతాయని చెప్పారు.

ఇదిలా ఉండగా, సింగరేణి బీజేపీ భరోసా యాత్రలో భాగంగా కేంద్ర మంత్రి కిషన్ రెడ్డి పెద్దపల్లి జిల్లాకు రానుండగా, ఆ సందర్భంగా సింగరేణి కార్మికులకు బీజేపీ నేతలు గిఫ్ట్ ఇవ్వాలని కాంగ్రెస్ నేతలు డిమాండ్ చేశారు. పెద్దపల్లి ఎంపీ వంశీ కృష్ణ కూడా కిషన్ రెడ్డిని ఉద్దేశించి మాట్లాడుతూ, ప్రాజెక్టును డిలే చేయకుండా త్వరగా క్లియరెన్సులు ఇవ్వాలని విజ్ఞప్తి చేశారు.