బీజేపీ సింగరేణి భరోసా యాత్ర జూలై 13, 14న

తెలంగాణ బీజేపీ రాష్ట్ర శాఖ 'సింగరేణి భరోసా యాత్ర' నిర్వహించనుంది. కేంద్ర మంత్రి కిషన్ రెడ్డి నేతృత్వంలో ఈ యాత్ర జూలై 13, 14 తేదీల్లో జరుగుతుంది.

ఈ యాత్రలో బీజేపీ రాష్ట్ర అధ్యక్షుడు రామచంద్రరావు, పార్టీ ఎంపీలు, ఎమ్మెల్యేలు, ఎమ్మెల్సీలు పాల్గొంటారు. మొదటి రోజు హైదరాబాద్ నుంచి కొత్తగూడెం, అక్కడి నుంచి మనుగూరు, తర్వాత భూపాలపల్లి వరకు యాత్ర కొనసాగుతుంది. అన్ని చోట్లా సింగరేణి కార్మికులను కలిసి వారి సమస్యలు తెలుసుకుంటారు.

రెండో రోజు భూపాలపల్లిలోని కేటీకే-8 గని వద్ద కార్మికులతో సమావేశం, అనంతరం తాడిచెర్ల గనులు, గోదావరి ఓపెన్ కాస్ట్ గని, శ్రీరాంపూర్-3 గనులను సందర్శించి కార్మికులతో సంభాషిస్తారు. యాత్ర మంచిర్యాల జిల్లా మందమరి వద్ద ముగుస్తుంది.

ఈ సందర్భంగా కేంద్ర మంత్రులు అశ్విని వైష్ణవ్, కిషన్ రెడ్డి తెలంగాణ అభివృద్ధికి కేంద్రం కట్టుబడి ఉందని పేర్కొన్నారు. రాష్ట్రానికి రైల్వే బడ్జెట్ భారీగా పెంచామని, ప్రస్తుతం ఐదు వందే భారత్ రైళ్లు నడుస్తున్నాయని, బుల్లెట్ ట్రైన్ ప్రాజెక్టు మంజూరు చేశామని, నేషనల్ హైవేలను రెట్టింపు చేస్తామని, 42 రైల్వే స్టేషన్లను ఆధునీకరిస్తున్నామని వివరించారు.