తెలంగాణలో పొడి వాతావరణం, 36 డిగ్రీల ఉష్ణోగ్రతలు; రైతులకు విత్తనాలు వేయవద్దని సూచన

తెలంగాణలో వర్షాలు లేకపోవడంతో పొడి వాతావరణం నెలకొని ఉష్ణోగ్రతలు 36 డిగ్రీలకు చేరాయి. ఎల్నినో ప్రభావంతో పసిఫిక్ మహాసముద్రం నుంచి వీచే వెచ్చటి గాలులు వర్షపు మేఘాల ఏర్పాటుకు అడ్డంకిగా మారుతున్నాయి. కేరళ, ఒరిస్సా నుంచి రావాల్సిన నైరుతి రుతుపవనాల మేఘాలు మధ్యలోనే ఆగిపోయినట్లు వాతావరణ అధికారులు తెలిపారు. ఈ నేపథ్యంలో రైతులు విత్తనాలు వేయడం వాయిదా వేయాలని అధికారులు సూచిస్తున్నారు. విస్తృత వర్షాలు పడే అవకాశం ఉన్నప్పుడే విత్తనాలు నాటాలని సలహా ఇచ్చారు. లేకుంటే పెట్టుబడి నష్టపోయే ప్రమాదం ఉందని హెచ్చరించారు.

అదే సమయంలో మహారాష్ట్ర, ఢిల్లీ, కర్ణాటక, కేరళ సహా పలు రాష్ట్రాల్లో భారీ వర్షాలు కురుస్తున్నాయి. తెలంగాణలో మాత్రం వేడి తగ్గకపోవడంతో ప్రజలు ఇబ్బందులు పడుతున్నారు. వాతావరణ శాఖ అధికారులు పరిస్థితిని పరిశీలిస్తున్నారు.