16 ఏళ్ల తర్వాత యాదగిరిగుట్ట ఆలయానికి నూతన పాలక మండలి నియామకం

యాదగిరిగుట్ట శ్రీ లక్ష్మీనరసింహ స్వామి ఆలయానికి 16 ఏళ్ల తర్వాత నూతన పాలక మండలి నియమితులయ్యారు. 18 మంది సభ్యులతో కూడిన ఈ బోర్డును రాష్ట్ర ప్రభుత్వం జూన్ 30, 2026న ఉత్తర్వులు జారీ చేసింది. ఇందులో చైర్మన్ తో సహా 11 మంది శాశ్వత సభ్యులు, 7 మంది ఎక్స్ అఫీషియో సభ్యులు ఉన్నారు.

యాదగిరిగుట్ట ఆలయానికి చివరి పాలక మండలి ఉమ్మడి ఆంధ్రప్రదేశ్ లో 2007-2009 మధ్య ముగిసింది. తెలంగాణ ఏర్పడ్డాక గత ప్రభుత్వం ఆలయ పునర్నిర్మాణంపై దృష్టి పెట్టింది. కాంగ్రెస్ ప్రభుత్వం వచ్చాక ఐఏఎస్ హోదా కలిగిన కార్యనిర్వహణాధికారి (ఈఓ)ను నియమించింది. ఆలయానికి స్వయం ప్రతిపత్తి హోదా కలిగిన పాలక మండలి ఏర్పాటుకు మార్చి 2025లో దేవాదాయ శాఖ చట్ట సవరణ బిల్లుకు శాసన సభ ఆమోదం లభించింది.

నూతనంగా నియమితులైన బోర్డు సభ్యులతో ఈఓ భవాని శంకర్ ప్రమాణ స్వీకారం చేయించారు. ఈ సందర్భంగా నూతన చైర్మన్ మాట్లాడుతూ, దేవుని సేవగా ఈ అవకాశాన్ని భావిస్తున్నానని, ముఖ్యమంత్రి రేవంత్ రెడ్డి ఆలోచనల మేరకు ఆలయాభివృద్ధికి కృషి చేస్తానని చెప్పారు. సభ్యులందరం ఏకతాటిగా ముందుకెళ్తామని ఆయన అన్నారు.