వారణాసి రోడ్డు విస్తరణలో మసీదుల కూల్చివేత – PWD‌తో ఒప్పందం తర్వాత మసీదు కమిటీలు స్వచ్ఛందంగా తొలగింపు

వారణాసిలోని దాల్ మండి ప్రాంతంలో చేపట్టిన రోడ్డు విస్తరణ ప్రాజెక్ట్‌లో భాగంగా ఆరు మసీదులు PWD పరిధిలోకి వచ్చాయి. పి.డబ్ల్యు.డి ఈ మసీదులను నేరుగా కొనుగోలు చేసి, రిజిస్టర్డ్ క్రయం పూర్తి చేసింది. ఈ నేపథ్యంలో, ఇప్పటికే ఐదు మసీదులను స్వచ్ఛందంగా తొలగించే పనిని మసీదు కమిటీ సభ్యులే చేపట్టారు. వీరు ఎటువంటి ప్రభుత్వ బుల్డోజర్ చర్య లేకుండా, మాన్యువల్ పద్ధతిలో రోడ్డు విస్తరణకు ఆటంకంగా ఉన్న భాగాలను ఒక్కొక్కటిగా కూల్చేస్తున్నారు. ఆరో మసీదు కూడా ప్రస్తుతం కూల్చివేత దశలో ఉంది. పోలీసులు, ప్రభుత్వ కార్మికులు ఈ ప్రక్రియలో జోక్యం చేసుకోలేదని, మసీదు వర్గాలే స్వచ్ఛందంగా ఈ చర్య తీసుకుంటున్నారని అధికారులు స్పష్టం చేశారు. రోడ్డు విస్తరణ పరిధిలోకి వచ్చిన ఇతర భవనాలను కూడా PWD కొనుగోలు చేసి, వాటిని తొలగిస్తోంది. ట్రాఫిక్ రద్దీ తగ్గించేందుకు ఈ ప్రాజెక్ట్‌ను వేగంగా పూర్తి చేస్తున్నట్లు పి.డబ్ల్యు.డి వర్గాలు తెలిపాయి. దాల్ మండి రోడ్డు విస్తరణకు సంబంధించి ఇప్పటివరకు ఎటువంటి వివాదాలు తలెత్తలేదని, మసీదు కమిటీలు స్వచ్ఛందంగా సహకరిస్తుండడంతో పనులు సజావుగా సాగుతున్నాయని స్థానిక వర్గాలు తెలిపాయి.