వారణాసి విడుదలపై క్లారిటీ: 2027 ఏప్రిల్ 7నే విడుదల అని విజయేంద్ర ప్రసాద్

‘వారణాసి’ సినిమా 2027 ఏప్రిల్ 7నే విడుదలవుతుందని కథా రచయిత విజయేంద్ర ప్రసాద్ స్పష్టం చేశారు. మహేష్ బాబు హీరోగా రాజమౌళి దర్శకత్వం వహిస్తున్న ఈ సినిమా విడుదల తేదీపై ఇటీవల సందేహాలు వ్యక్తమయ్యాయి. ఆ సందేహాలపై ఆయన ఈ క్లారిటీ ఇచ్చారు.

బ్రెజిల్ ఫిల్మ్ ఫెస్టివల్ ఈవెంట్‌లో రాజమౌళి మాట్లాడుతూ ‘హోప్‌ఫుల్లీ 2027లో రిలీజ్ అయ్యే వారణాసితో కలుద్దాం’ అని అన్నారు. దీంతో ఏప్రిల్ 7కే సినిమా వస్తుందా అనే చర్చ అభిమానుల్లో మొదలైంది.

ఇటీవల పెద్ద సినిమాల విడుదల తేదీలు మారుతున్న సీజన్ నడుస్తోంది. ఫౌజీ, స్పిరిట్, డ్రాగన్ సినిమాలు ఒకదాని తర్వాత ఒకటి తమ రిలీజ్ డేట్‌లను మార్చుకున్నాయి. ఇదే బాటలో వారణాసి కూడా నడుస్తుందని ప్రచారం జరిగింది. వారణాసి విడుదల వాయిదా ఖాయమని మహేష్ బాబు అభిమానులు భావించారు.

వారణాసి 2027 ఏప్రిల్ 7న విడుదలవుతుందని మేకర్స్ ఏడాదిన్నర క్రితమే ప్రకటించారు. వారణాసిపై అప్‌డేట్ అడిగినప్పుడు, 2027 ఏప్రిల్ 7న తప్పకుండా విడుదలవుతుందని విజయేంద్ర ప్రసాద్ చెప్పారు. ఈ క్లారిటీతో విడుదలపై మళ్లీ ఆశలు చిగురించాయి.