VVIT గ్రాడ్యుయేషన్ వేడుకలో మాజీ ఉపరాష్ట్రపతి వెంకయ్య నాయుడు

నంబూర్‌లోని వాసిరెడ్డి వెంకటాద్రి ఇంటర్నేషనల్ టెక్నాలజికల్ యూనివర్సిటీ (VVIT) 2026 బ్యాచ్ గ్రాడ్యుయేషన్ వేడుక నిర్వహించింది. మాజీ ఉపరాష్ట్రపతి ఎం.వెంకయ్య నాయుడు ముఖ్య అతిథిగా హాజరయ్యారు.

వెంకయ్య నాయుడు మాట్లాడుతూ, విద్యతో పాటు భారతీయ సంస్కృతి, సంప్రదాయాలు, క్రమశిక్షణ అవసరమని చెప్పారు. పదవీ విరమణ తర్వాత మాతృభాష ప్రాముఖ్యతను యువతకు తెలియజేయడం, భారతీయ సంస్కృతిని పరిరక్షించడం అనే రెండు లక్ష్యాలతో పనిచేస్తున్నానని తెలిపారు. విద్యార్థులు తమ తల్లిదండ్రులు, గురువులను ఎప్పుడూ గుర్తుంచుకోవాలని సూచించారు.

VVIT వైస్ ఛాన్సలర్ విద్యాసాగర్ మాట్లాడుతూ, విద్యార్థులు ఉత్తమ పౌరులుగా ఎదిగి సమాజానికి, తల్లిదండ్రులకు, మాతృభూమికి సేవ చేయాలని కోరారు. విద్యార్థిని పరిపూర్ణ మానవుడిగా తీర్చిదిద్దాలని ఆకాంక్షించారు.