విజయవాడ మెట్రో అలైన్మెంట్‌ను BRTS రోడ్డుకు మార్చాలని నగరవాసుల డిమాండ్

విజయవాడ మెట్రో ప్రాజెక్టు భూసేకరణపై సబ్ కలెక్టర్ కార్యాలయంలో ప్రజాభిప్రాయ సేకరణ నిర్వహించారు. ఈ సందర్భంగా నగరవాసులు గాంధీనగర్–ఏలూరు రోడ్డు మార్గం బదులు BRTS రోడ్డు మీదుగా మెట్రో అలైన్మెంట్ మార్చాలని కోరారు.

దుకాణదారులు, స్థానిక వ్యాపారులు తమ ఇబ్బందులను అధికారులకు వివరించారు. పదేళ్ల క్రితం నాటి మార్కింగ్ ప్రకారమే అధికారులు ముందుకు వెళ్తే రోడ్డుపైకి వస్తామని వారు హెచ్చరించారు. గాంధీనగర్, ఏలూరు రోడ్లు ఇరుకైనవని, వాటి మీద మెట్రో వస్తే వాణిజ్య కార్యకలాపాలు తగ్గి నిరుద్యోగం పెరుగుతుందని వారు అభిప్రాయపడ్డారు.

గుణదల పడవల రేవు నుంచి నేరుగా BRTS రోడ్డుకు అలైన్మెంట్ చేస్తే భూసేకరణ, పరిహారం భారం తగ్గుతుందని నగరవాసులు సూచించారు. అధికారులు ప్రజాభిప్రాయాన్ని స్వీకరించారు. అయితే అలైన్మెంట్పై తుది నిర్ణయం తీసుకున్నట్లు వివరాలు వెల్లడించలేదు.