విశాఖపట్నం జిల్లాలో ఒకే రోజు 218 మిల్లీమీటర్ల వర్షం

ఉత్తరాంధ్ర జిల్లాల్లో భారీ వర్షాలు కురుస్తున్నాయి. విశాఖపట్నం జిల్లాలో ఒకే రోజు 218 మిల్లీమీటర్ల వర్షం నమోదైంది. ఇది 21.8 సెంటీమీటర్లకు సమానం. జిల్లా సగటున ఇంకా 66 మిల్లీమీటర్లు (6.6 సెంటీమీటర్లు) పడే అవకాశం ఉంది.

విజయనగరం జిల్లాలో 189 మిల్లీమీటర్లు (19 సెంటీమీటర్లు) నమోదయ్యాయి. ఇంకో 75.5 మిల్లీమీటర్లు పడే పరిస్థితి ఉంది. శ్రీకాకుళం జిల్లాలో 143 మిల్లీమీటర్లు పడగా, మరో 123 మిల్లీమీటర్లు పడే అవకాశం ఉంది. ఈ రెండూ కలిపితే దాదాపు 26 సెంటీమీటర్లు అవుతుంది. అనకాపల్లి జిల్లాలో 142 మిల్లీమీటర్లు నమోదయ్యాయి. మరో 62 మిల్లీమీటర్లు పడితే మొత్తం 20 సెంటీమీటర్లు దాటుతుంది.

రాష్ట్రంలో ఇప్పటివరకు 39 శాతం వర్షపాతం లోటు ఉంది. ఒక రోజు 48 మిల్లీమీటర్లు పడింది. ఈరోజు, రేపు మరో 33 నుంచి 38 మిల్లీమీటర్లు పడే అవకాశం ఉంది. ఈ రెండు రోజుల్లో కలిపి దాదాపు 12 శాతం లోటు తీరుతుంది. దీంతో మొత్తం లోటు 39 శాతం నుంచి 27 శాతానికి తగ్గుతుంది.