విశాఖ విమానాశ్రయం పౌర సేవలు నేటి అర్ధరాత్రితో ముగింపు; భోగాపురానికి మార్పు

విశాఖపట్నం విమానాశ్రయంలో పౌర విమాన సేవలు నేటి అర్ధరాత్రితో ముగుస్తున్నాయి. దాదాపు 45 ఏళ్లుగా ఈ విమానాశ్రయం ప్రయాణికులకు సేవలు అందించింది.

రేపటి నుంచి భోగాపురం విమానాశ్రయం నుంచి విమాన ప్రయాణాలు మొదలవుతాయని తెలుస్తోంది. ప్రస్తుత విశాఖ విమానాశ్రయం నేవీ నిర్వహణలో కొనసాగనుంది.

విశాఖ, అనకాపల్లి, ఉత్తరాంధ్ర ప్రాంత ప్రయాణికులు కొందరు ఈ మార్పుతో ప్రయాణ సమయం పెరుగుతుందని అభిప్రాయపడుతున్నారు. భోగాపురం ఎయిర్‌పోర్ట్ దూరంగా ఉండటంతో బస్సు సౌకర్యాలు అందరికీ అందుబాటులో ఉండాలని వారు అంటున్నారు.

కొత్త విమానాశ్రయం మూడు నగరాలను కలుపుతుందని, దీనివల్ల ప్రాంత అభివృద్ధికి ఉపయోగం ఉంటుందని కొందరు ప్రయాణికులు భావిస్తున్నారు. అదే సమయంలో సామాన్య ప్రయాణికులకు సమయం, ఖర్చు పెరిగే అవకాశం ఉందన్న అభిప్రాయం కూడా వినిపిస్తోంది.