విశాఖ: అక్రమ నిర్మాణాల తనిఖీకి వెళ్లిన రెవెన్యూ సిబ్బందిని స్థానికులు అడ్డుకున్నారు

విశాఖపట్నం జిల్లా పెందుర్తి మండలం చిన్న ముషుడివాడ గ్రామంలో ఉద్రికత్త నెలకొంది. సర్వే నెంబర్ 185లోని ప్రభుత్వ భూమిలో అక్రమ నిర్మాణాలు జరుగుతున్నాయన్న సమాచారంతో రెవెన్యూ సిబ్బంది తనిఖీకి వెళ్లారు. వారిని స్థానికులు అడ్డుకున్నారు.

సంఘటన గురించి రెవెన్యూ అధికారి ఒకరు తెలిపిన వివరాల ప్రకారం.. సదరు స్థలంలో కట్టడం పనులు చేస్తున్న కార్మికులను అక్కడి నుంచి పంపించేశారు. ఆ సమయంలో ఇటుకలు బయటకు నెట్టడంతో అవి కిందపడి చుట్టుపక్కల ఉన్న చిన్నారులపై పడే ప్రమాదం ఉందని స్థానికులు భావించారు. దీంతో మహిళలు, పురుషులు అధికారులతో వాగ్వాదానికి దిగి ఆందోళనకు గురైనట్లు తెలుస్తోంది.

స్థానికులు రెవెన్యూ సిబ్బంది వాహనాలను చుట్టుముట్టి అడ్డుకోవడంతో అధికారి పోలీసులకు సమాచారం ఇచ్చారు. సంఘటనా స్థలానికి చేరుకున్న సీఐ, ఎస్ఐ, కానిస్టేబుళ్లు ఆందోళనకారులను చెదరగొట్టి రెవెన్యూ సిబ్బందిని సురక్షితంగా తరలించారు. ఈ ఘటనపై రెవెన్యూ అధికారులు పోలీస్‌లకు ఫిర్యాదు చేశారు.

ఈ ప్రాంతంలో ప్రభుత్వ భూమి కబ్జా, అక్రమ నిర్మాణాలపై అధికారులు దర్యాప్తు చేపడుతున్నారు. త్వరలోనే ఆ నిర్మాణాలపై చర్యలు తీసుకుంటామని రెవెన్యూ అధికారి తెలిపారు.