విశాఖ రైల్వే స్టేషన్ అభివృద్ధికి ₹299 కోట్లు, ప్లాట్‌ఫామ్‌లు 14కి పెరుగుతాయి

విశాఖపట్నం రైల్వే స్టేషన్ అభివృద్ధి పనులు ప్రారంభమయ్యాయి. ఈ పనులకు ₹299 కోట్లు కేటాయించినట్లు దక్షిణ కోస్తా రైల్వే జనరల్ మేనేజర్ సందీప్ మాధుర్ తెలిపారు.

ప్రస్తుతం స్టేషన్‌లో 8 ప్లాట్‌ఫామ్‌లు ఉన్నాయి. ఈ సంఖ్య 14కి పెరుగుతుంది. కొత్తగా 6 ప్లాట్‌ఫామ్‌లు, 6 రైల్వే లైన్లు నిర్మిస్తున్నారు. దేశ రాజధాని ఢిల్లీలో 16 ప్లాట్‌ఫామ్‌లు ఉన్నాయి.

విశాఖ స్టేషన్ నుంచి ప్రతిరోజూ 110 నుంచి 150 రైళ్లు నడుస్తున్నాయి. కొన్ని రోజుల్లో ఈ సంఖ్య 150 దాటుతోంది. రోజుకు 80 వేల నుంచి 90 వేల మంది ప్రయాణికులు ప్రయాణిస్తున్నారు. ప్రధాన సమయాల్లో ప్రయాణికుల సంఖ్య లక్ష వరకు చేరుతోంది.

ప్లాట్‌ఫామ్‌లు తక్కువగా ఉండటంతో కొన్ని రైళ్లు outer లో 10 నుంచి 15 నిమిషాలు ఆగుతున్నాయి. ఈ సమస్యను తగ్గించేందుకు ప్లాట్‌ఫామ్‌లు పెంచుతున్నారు. జ్ఞానాపురం వైపు కాంక్రీట్ పనులు వేగంగా జరుగుతున్నాయి. ఈ పనులు 18 నెలల్లో పూర్తి చేయాలనే లక్ష్యంగా పెట్టుకున్నారు.

ప్రస్తుతం 55 నుంచి 60 రైళ్లు విశాఖ నుంచి ప్రారంభమవుతున్నాయి. నాలుగు వందే భారత్ రైళ్లు ఇప్పటికే ఇక్కడ నుంచి నడుస్తున్నాయి. రైల్వే బోర్డుకు మరో 20 కొత్త రైళ్ల ప్రతిపాదనలు పంపారు. బెంగళూరుకు కొత్త వందే భారత్ రైలు రానుంది. విశాఖ నుంచి వారణాసి, చెన్నై సర్వీసుల ప్రతిపాదనలు ఉన్నాయి.

అభివృద్ధి పనుల్లో ఎస్కలేటర్లు, వెయిటింగ్ హాల్స్, ఇతర సౌకర్యాలు పెరుగుతాయి. సాంకేతికతను మెరుగుపరుస్తున్నారు. పనులు పూర్తయితే ప్రయాణికులకు ఎక్కువ సౌకర్యాలు అందుతాయని అధికారులు చెప్తున్నారు.