విజన్ ఇండియా 2047 జాతీయ సదస్సు కన్హా శాంతివనంలో

పాలమూరు విశ్వవిద్యాలయం 'విజన్ ఇండియా 2047' జాతీయ సదస్సును నిర్వహిస్తోంది. రిజిస్ట్రార్ పూసా రమేష్ బాబు ఈ విషయాన్ని తెలిపారు. ఆగస్టు 7, 8 తేదీలలో కన్హా శాంతివనంలో ఈ సదస్సు జరగనుంది.

ప్రారంభ కార్యక్రమానికి మహబూబ్‌నగర్ జిల్లా ఇన్‌చార్జ్ మంత్రి దామోదర్ రాజ్ నరసింహతో పాటు మంత్రులు జూపల్లి కృష్ణారావు, వాకిటి శ్రీహరి హాజరుకానున్నారు. జిల్లాకు చెందిన ఎమ్మెల్యేలు, ఎమ్మెల్సీలు, ఇతర ప్రజాప్రతినిధులు కూడా పాల్గొంటారు.

ఈ రెండు రోజుల సదస్సులో దేశంలోని ప్రముఖ శాస్త్రవేత్తలు, విద్యావేత్తలు, పరిశోధకులు పాల్గొంటారు. శాస్త్ర సాంకేతిక రంగాల్లో తాజా ఆవిష్కరణలు, కృత్రిమ మేధస్సు, యువత సాధికారత వంటి అంశాలపై నిపుణులు చర్చిస్తారు. పాలమూరు విశ్వవిద్యాలయంలో కూడా ఒక సెషన్ నిర్వహిస్తారు.