పెద్దపల్లి ఎంపీ గడ్డం వంశీ, మంత్రి వివేక్ లు తాడిచర్ల బ్లాక్‌కు పర్యావరణ అనుమతి కోరారు

తెలంగాణ కార్మిక మంత్రి వివేక్ వెంకటస్వామి, పెద్దపల్లి ఎంపీ గడ్డం వంశీ కృష్ణ, జహీరాబాద్ ఎంపీ సురేష్ షెట్కర్ లు ఢిల్లీ పర్యటనలో కేంద్ర పర్యావరణ మంత్రి భూపేంద్ర యాదవ్‌ను కలిశారు. తాడిచర్ల బ్లాక్-2, ఆర్కెపి మైన్స్‌కు పర్యావరణ అనుమతులు (EC) త్వరగా ఇవ్వాలని విజ్ఞప్తి చేశారు.

ఎంపీ గడ్డం వంశీ మాట్లాడుతూ, తాడిచర్ల బ్లాక్-2 అందుబాటులోకి వస్తే 1,000కు పైగా ఉద్యోగాలు లభిస్తాయని తెలిపారు. గత రెండేళ్లుగా బ్లాక్ కేటాయింపు కోసం తాము ఎంతో ప్రయత్నాలు చేశారని, ప్రస్తుతం బ్లాక్ కేటాయింపు జరిగిందని, ఇప్పుడు పర్యావరణ అనుమతులు మాత్రమే మిగిలి ఉన్నాయని చెప్పారు.

మంత్రి వివేక్ కూడా ఆర్కెపి మైన్స్‌కు పర్యావరణ అనుమతులు ఇవ్వాల్సిందిగా కేంద్ర మంత్రిని కోరారు. ఈ రెండు ప్రాజెక్టులకు EC లు లభిస్తే వెంటనే ఉద్యోగాలు వస్తాయని, ఈ విషయంలో తాము నిరంతరం ఫాలో అప్ చేస్తామని వారు ప్రకటించారు.