పాతబస్తీలో బేలా ముత్యాలమ్మ ఆలయంలో మంత్రి వివేక్ వెంకటస్వామి పూజలు

పాతబస్తీలో బోనాల ఉత్సవాలు ఘనంగా సాగుతున్నాయి. ఈ నేపథ్యంలో రాష్ట్ర కార్మిక శాఖ మంత్రి వివేక్ వెంకటస్వామి, ఆయన సతీమణి బేలా ముత్యాలమ్మ ఆలయాన్ని సందర్శించారు. అమ్మవారికి పట్టు వస్త్రాలు సమర్పించి ప్రత్యేక పూజలు చేశారు.

మంత్రి వివేక్ మాట్లాడుతూ, తెలంగాణ ప్రజలంతా సుఖసంతోషాలతో ఉండాలని, రైతులకు సకాలంలో వర్షాలు కురిసి పంటలు బాగా పండాలని అమ్మవారిని ప్రార్థించినట్టు తెలిపారు. రాష్ట్ర ప్రభుత్వం గ్యారెంటీ కార్డు ద్వారా ప్రజలకు చేస్తున్న సేవలతో పాటు సన్న బియ్యం పంపిణీ, ఉద్యోగ అవకాశాలు కల్పించే దిశగా చర్యలు తీసుకుంటుందని ఆయన వివరించారు.

పూజల అనంతరం ఆలయ నిర్వాహకులు మంత్రి దంపతులను ఘనంగా సన్మానించారు. ఈ కార్యక్రమంలో స్థానిక నాయకులు, భక్తులు పాల్గొన్నారు.