వరంగల్‌లో సీజనల్ వ్యాధుల నియంత్రణకు ఇంటింటి సర్వే – వైద్య ఆరోగ్య శాఖ

వరంగల్‌లో వర్షాకాలం ప్రారంభం కావడంతో డెంగ్యూ, మలేరియా వంటి సీజనల్ వ్యాధులు ప్రబలే అవకాశం ఉంది. ఈ నేపథ్యంలో వైద్య ఆరోగ్య శాఖ అధికారులు ఇంటింటి సర్వే చేపట్టారు.

జూలై 9 నుంచి ఈ సర్వే మొదలైంది. నగరంలోని 8 అర్బన్ హెల్త్ సెంటర్ల పరిధిలో ప్రతిరోజూ 50 ఇళ్ల చొప్పున సర్వే చేస్తామని డీఎంహెచ్వో డాక్టర్ అపాయ తెలిపారు. సిబ్బంది ప్రతి ఇంటికి వెళ్లి జ్వరం, దగ్గు, జలుబు లక్షణాలు ఉన్నాయా అని వివరాలు సేకరిస్తున్నారు. అనుమానితులకు మలేరియా ర్యాపిడ్ డయాగ్నొస్టిక్ టెస్ట్ చేస్తున్నారు.

ఇప్పటివరకు పట్టణ ప్రాంతాల్లో 11 డెంగ్యూ కేసులు నమోదయ్యాయని డీఎంహెచ్వో తెలిపారు. నాలుగు గవర్నమెంట్ మెటర్నిటీ హాస్పిటల్ చుట్టుపక్కల నమోదయ్యాయి. ఈ కేసులు ప్రాణాంతకం కాకుండా బాధితులు కోలుకున్నారు. మలేరియా కేసులు మాత్రం ఇంకా నమోదు కాలేదు.

దోమల నివారణకు స్ప్రే చేయడంతో పాటు నిల్వ నీటి గుంటలను తొలగించేలా అధికారులు ప్రజలకు సూచనలు చేస్తున్నారు. స్లమ్ ప్రాంతాల్లో దోమల వ్యాప్తి ఎక్కువగా ఉన్నందున ఆయా ప్రాంతాలపై ప్రత్యేక దృష్టి పెట్టామని, మున్సిపల్ సిబ్బందితో సమన్వయం చేసుకుంటున్నామని డీఎంహెచ్వో వివరించారు. ప్రజలు ఇంటి పరిసరాలు శుభ్రంగా ఉంచుకోవాలని, నీరు నిల్వ ఉండకుండా చూసుకోవాలని సూచించారు.