పశ్చిమ బెంగాల్: అత్యాచార నిందితుడి ఎన్‌కౌంటర్‌ను సమర్థించిన సీఎం సువేందు అధికారి

పశ్చిమ బెంగాల్ ముఖ్యమంత్రి సువేందు అధికారి ఒక అత్యాచార నిందితుడి ఎన్‌కౌంటర్‌ను సమర్థించారు. ఎదురుదాడికి దిగితే ఆత్మరక్షణ కోసం కాల్పులు జరిపే పూర్తి స్వేచ్ఛ పోలీసులకు ఉందని ఆయన స్పష్టం చేశారు.

ఉత్తర దినాజ్‌పూర్ జిల్లాలో మైనర్ బాలికపై అత్యాచారం చేసి హత్య చేసిన కేసులో ప్రధాన నిందితుడు దిలీప్ రాయ్ మృతి చెందాడు. ఉదయం పోలీసులతో జరిగిన ఎదురుకాల్పుల్లో అతను హతమయ్యాడు. రాయిగంజ్ ప్రాంతంలో అరెస్టు చేయడానికి వెళ్లిన పోలీసు బృందంపై అతను కాల్పులకు తెగబడ్డాడు.

ఘటనపై స్పందిస్తూ, రాష్ట్రంలో నేరాలపై తమ ప్రభుత్వం జీరో టాలరెన్స్ విధానం అమలు చేస్తోందని ముఖ్యమంత్రి తెలిపారు. అత్యాచారం, హత్య, డ్రగ్స్ స్మగ్లింగ్, అక్రమ చొరబాట్ల కేసుల్లో పోలీసులకు పూర్తి స్వేచ్ఛ ఇచ్చామని ఆయన చెప్పారు. అలాంటి కఠిన సమయాల్లో పైస్థాయి అధికారుల అనుమతి కోసం వేచి చూడాల్సిన అవసరం లేదని ఆయన పేర్కొన్నారు.

పశ్చిమ బెంగాల్‌లో ప్రభుత్వం మారిన తర్వాత ఇలాంటి ఎన్‌కౌంటర్ జరగడం ఇది నాలుగోసారి. ఎన్‌కౌంటర్‌పై ఇతర పార్టీల స్పందన లభ్యం కాలేదు.