రంగారెడ్డి జిల్లా కిస్మత్పూర్‌లో ఆషాడ మాసం సాంప్రదాయ గోరింటాకు సంబరాలు

రంగారెడ్డి జిల్లా కిస్మత్పూర్‌లో మహిళలు ఆషాడ మాసం సందర్భంగా సాంప్రదాయ గోరింటాకు సంబరాలు నిర్వహించారు. ఈ కార్యక్రమంలో మహిళలు, యువతులు, చిన్నారులు పాల్గొన్నారు.

మహిళలు ఉదయాన్నే గోరింటాకు తెంపుకుని దంచి చేతులపై పెట్టుకున్నారు. సాంప్రదాయ వస్త్రాలు, గాజులు, పూలతో వేడుకను సంతోషంగా నిర్వహించారు.

గోరింటాకు ఆరోగ్యానికి మంచిదని, చలువ చేస్తుందని, ఆషాడంలో వచ్చే అనారోగ్యాలకు ఔషధంగా పనిచేస్తుందని మహిళలు అభిప్రాయపడ్డారు. పూర్వీకుల నుంచి వస్తున్న ఈ సంప్రదాయాన్ని తర్వాతి తరాలకు అందించేందుకు ప్రతి ఏడాది ఈ వేడుక చేస్తున్నామని వారు తెలిపారు.