దేవాలయాల్లో మహిళా అర్చకత్వం: శాస్త్రాలు ఏం చెబుతున్నాయి?

హిందూ దేవాలయాల్లో మహిళలు అర్చకులుగా సేవ చేయడం అనేది శాస్త్రీయంగా సమర్థనీయమేనని ధార్మిక పండితులు అభిప్రాయపడుతున్నారు. ఈ విషయంపై శాస్త్రాలు స్పష్టమైన అభిప్రాయాన్ని వెలిబుచ్చాయి.

అర్చకత్వానికి లింగం ప్రధానం కాదని, మంత్రశుద్ధి, చిత్తశుద్ధి మాత్రమే ముఖ్యమని పురాణాలు వివరిస్తున్నాయి. వేదకాలంలో గార్గి, మైత్రేయి, లోపాముద్ర వంటి మహిళలు వేద సూక్తాలను రచించడమే కాకుండా మహర్షులతో తాత్విక చర్చలు కూడా చేశారు. వీరు 30 మందికి పైగా ఉన్నట్లు చారిత్రక ఆధారాలు సూచిస్తున్నాయి.

శాంతి, సహనం, స్వచ్ఛత వంటి లక్షణాలు పురుషుల కంటే స్త్రీలలోనే సహజంగా ఎక్కువగా ఉంటాయని శాస్త్రాలు పేర్కొంటున్నాయి. అందువల్ల మహిళలు పూజలు, హోమాలు, యజ్ఞయాగాలు నిరభ్యంతరంగా నిర్వహించవచ్చు. ప్రస్తుతం కూడా దేశంలో ఎంతో మంది మహిళలు మఠాధిపతులుగా, వేద పండితులుగా ధర్మ సేవలో నిమగ్నమై ఉన్నారు.