పరిశ్రమల భద్రతపై హైదరాబాద్లో వర్క్షాప్; మంత్రి వివేక్ వెంకటస్వామి ప్రారంభం
హైదరాబాద్ లక్కాపూల్ లోని ఎఫ్టిసిసిఐలో నేషనల్ సేఫ్టీ కౌన్సిల్ తెలంగాణ చాప్టర్ ఆధ్వర్యంలో కంబెస్టబుల్ డస్ట్ వర్క్షాప్ ప్రారంభమైంది. రెండు రోజుల ఈ కార్యక్రమాన్ని కార్మిక శాఖ మంత్రి వివేక్ వెంకటస్వామి ప్రారంభించి, ఒక పుస్తకాన్ని ఆవిష్కరించారు.
వర్క్షాప్లో మాట్లాడిన మంత్రి, పరిశ్రమల్లో కంబెస్టబుల్ డస్ట్, గ్యాస్ లీకేజీల వల్ల ప్రమాదాలు జరుగుతున్నాయని పేర్కొన్నారు. సేఫ్టీ నిబంధనలను కంపెనీల యాజమాన్యాలు ఖచ్చితంగా అమలు చేయాలని సూచించారు. ఇటీవల జరిగిన సిగాచి ఘటన అన్ని పరిశ్రమలకు హెచ్చరిక అని ఆయన అన్నారు.
కంపెనీల బోర్డు సభ్యులు భద్రతా విషయాలను నేరుగా పర్యవేక్షించాలని, కార్మికులకు తరచూ సేఫ్టీ ట్రైనింగ్ ఇస్తే ప్రమాదాలు తగ్గుతాయని మంత్రి వివరించారు. కార్మికుల భద్రతకు ప్రాధాన్యత ఇస్తే ఉత్పత్తి కూడా పెరుగుతుందని ఆయన చెప్పారు.
ఈ వర్క్షాప్లో సిమెంట్, వుడ్ ప్రాసెసింగ్, కూల్, టెక్స్టైల్స్ తదితర పరిశ్రమల నుంచి 300 మందికి పైగా ప్రతినిధులు పాల్గొన్నారు. నిపుణులు అంతర్జాతీయ భద్రత ప్రమాణాలు, ప్రమాదాల నివారణ చర్యలపై వివరించారు.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
