టాక్సిక్ కథ తెలిపిన యశ్: 1947-1961 కాలం, గోవా నేపథ్యం

నటుడు యశ్ తన రాబోయే చిత్రం 'టాక్సిక్' గురించి ఒక ఇంటర్వ్యూలో కథ వివరాలు పంచుకున్నారు. ఈ చిత్రం 1947 నుంచి 1961 వరకు పోర్చుగీస్ పాలనలోని గోవాలో జరిగే కథ అని ఆయన వెల్లడించారు.

కథలో వ్యాపారాలు, నౌకాశ్రయాలు, స్మగ్లింగ్ మార్గాలు, మాఫియా శక్తులు ప్రధాన ఇతివృత్తాలు అని, ఓ సామాన్య వ్యక్తి రక్తపాతం భయంతో సొంత సామ్రాజ్యాన్ని ఎలా నిర్మించుకుంటాడనే అంశం కీలకంగా ఉంటుందని యశ్ తెలిపారు.

దర్శకుడు గీతు మోహన్దాస్ ఈ చిత్రాన్ని యాక్షన్ ఎంటర్టైనర్‌గా రూపొందిస్తున్నారు. 'అధికారం ఎవ్వరూ ఇవ్వరు, తీసుకోవాలి' అనేదే ఈ సినిమా సారాంశం అని యశ్ చెప్పారు. చిత్రంలో లవ్ స్టోరీ, అన్న-చెల్లెల అనుబంధం, తండ్రీ-కొడుకుల ప్రతీకారం వంటి బలమైన భావోద్వేగాలు హైలైట్ అని, ఇవి ప్రేక్షకులను కట్టిపడేస్తాయని యశ్ వివరించారు.

ప్రస్తుతం టాక్సిక్ చిత్రం షూటింగ్ దశలో ఉంది. త్వరలో ఈ సినిమా విడుదల తేదీని ప్రకటించనున్నట్లు సమాచారం.