యష్ 'టాక్సిక్' రిలీజ్ డేట్ ఆగస్టు 26న లాక్: కొత్త పోస్టర్ విడుదల

నటుడు యష్ ప్రధాన పాత్రలో నటిస్తున్న 'టాక్సిక్' సినిమా విడుదల తేదీ ఆగస్టు 26గా ఖరారు చేశారు నిర్మాతలు. కొత్త పోస్టర్ తో ఈ విషయాన్ని ప్రకటించారు.

గీతు మోహన్దాస్ దర్శకత్వంలో తెరకెక్కుతున్న ఈ పీరియాడిక్ గ్యాంగ్స్టర్ డ్రామా షూటింగ్ జరుగుతోంది. 1940-1970ల నాటి గోవా మాఫియా నేపథ్యంలో సాగే కథ ఇది. యష్ తో పాటు కియారా అద్వాని, నయనతార, హ్యూమా ఖురేషి, తారా సుతార్య, రుక్మిణి వసంత్ కీలక పాత్రల్లో నటిస్తున్నారు.

ఈ సినిమా గతంలో ఏప్రిల్ లేదా జూన్ లో రావాల్సి ఉండగా, గ్లోబల్ రిలీజ్ ప్రణాళికలు, అంతర్జాతీయ పంపిణీ ఒప్పందాల కోసం వాయిదా పడింది. వరలక్ష్మీ వ్రతం, ఓనం, రక్షాబంధన్ పండుగల సెలవులను దృష్టిలో పెట్టుకుని ఆగస్టు 26 తేదీని ఎంపిక చేశారు.

ఆగస్టు రెండో సగంలో 'ది పారడైస్', 'ఇరుముడి', 'భోగి' వంటి సినిమాలు విడుదలకు సిద్ధంగా ఉన్నాయి. టాక్సిక్ రావడంతో వాటి డేట్లు మారే అవకాశం ఉన్నట్లు టాక్ ఉంది.