యోగా ఒత్తిడి తగ్గించే గొప్ప ఔషధం: బీజేపీ నేత రామచందర్ రావు

హైదరాబాద్‌లోని ఇందిరా పార్క్ వద్ద అంతర్జాతీయ యోగా దినోత్సవ వేడుకలను బీజేపీ రాష్ట్ర అధ్యక్షుడు రామచందర్ రావు, రాజ్యసభ సభ్యుడు లక్ష్మణ్‌తో కలిసి నిర్వహించారు.

ఈ కార్యక్రమంలో రామచందర్ రావు మాట్లాడుతూ, యోగా సాధన ద్వారా శారీరక, మానసిక ఒత్తిడి నుంచి విముక్తి లభిస్తుందని పేర్కొన్నారు. ప్రతి ఒక్కరూ యోగాను జీవితంలో భాగం చేసుకోవాలని, నిత్యం చేయడం వల్ల ఆరోగ్య సమస్యలు తగ్గుతాయని ఆయన సూచించారు.

యోగా భారతదేశ ప్రాచీన సంస్కృతిలో భాగమని, విశ్వవ్యాప్తంగా దాని ప్రాచుర్యానికి ప్రధాని నరేంద్ర మోడీ కృషి ఉందని రామచందర్ రావు అన్నారు. రాజ్యసభ సభ్యుడు లక్ష్మణ్ మాట్లాడుతూ, యోగా మన పూర్వీకుల సంప్రదాయం అని, యువత, విద్యార్థులు యోగా సాధన చేస్తే మానసిక ప్రశాంతత పొందగలరని తెలిపారు.