భూదాన్ పోచంపల్లిలో 12 జ్యోతిర్లింగాలు ఒకే చోట దర్శించే అవకాశం

భూదాన్ పోచంపల్లిలోని శ్రీ పుణ్యలింగేశ్వర స్వామి ఆలయంలో 12 జ్యోతిర్లింగాలను ఒకే చోట దర్శించుకోవచ్చని భక్తులు చెబుతున్నారు.

భక్తుడు మధు మాట్లాడుతూ, సాధారణంగా 12 జ్యోతిర్లింగాలను చూడాలంటే దేశంలోని 12 రాష్ట్రాలు తిరగాల్సి ఉంటుందని, కానీ ఈ ఆలయంలో అన్ని లింగాలు ఒకే ప్రాంగణంలో దర్శనమిస్తాయని తెలిపారు. ఆలయ వాతావరణం చాలా ఆహ్లాదకరంగా, పాజిటివ్ ఎనర్జీతో ఉన్నట్లు అనిపించిందని ఆయన పేర్కొన్నారు.

ఈ ఆలయం అనాథ ఆశ్రమంతో అనుసంధానమై ఉంటుంది. ఆలయ హుండీ ద్వారా వచ్చే విరాళాలు అనాథ పిల్లల అన్నదానం కోసం వినియోగిస్తారని ఆశ్రమ వ్యవస్థాపకులు శ్రీశంకర గురూజీ తెలిపారు. భక్తులు తమ పుట్టిన రోజులు, పెళ్లి రోజుల సందర్భంగా అనాథలకు అన్నదానం చేయాలని విజ్ఞప్తి చేశారు.

శ్రీ పుణ్యలింగేశ్వర స్వామి ఆలయం భవిష్యత్తులో ప్రముఖ ఆధ్యాత్మిక క్షేత్రంగా మారుతుందని భక్తులు ఆశిస్తున్నారు.