15వ బ్రిక్స్ ట్రేడ్ యూనియన్ సమ్మిట్ హైదరాబాద్‌లో ప్రారంభం

హైదరాబాద్‌లో 15వ బ్రిక్స్ ట్రేడ్ యూనియన్ ఫోరం సమ్మిట్ 2026 నేడు ప్రారంభమైంది. జూలై 14 నుంచి 16 వరకు మూడు రోజుల పాటు ఈ సదస్సు కొనసాగనుంది.

ఈ సదస్సును భారతీయ మజదూర్ సంఘ (BMS) నిర్వహిస్తోంది. బ్రిక్స్ దేశాల నుంచి కార్మిక సంఘాల నాయకులు, విద్యావేత్తలు, నిపుణులు హాజరయ్యారు. భారత్ నుంచి 70 మంది, విదేశాల నుంచి 46 మందికి పైగా ప్రతినిధులు పాల్గొంటున్నారు.

కేంద్ర కార్మిక, ఉపాధి శాఖ మంత్రి మన్సుక్ మాండవ్య మాట్లాడుతూ, ప్రపంచ పాలనలో మానవత్వమే ప్రథమం అనే సిద్ధాంతానికి భారత్ కట్టుబడి ఉందని స్పష్టం చేశారు.

మాజీ కేంద్ర మంత్రి బండారు దత్తాత్రేయ మాట్లాడుతూ, కార్మిక శక్తే దేశానికి అసలైన శక్తి అని అన్నారు. హైదరాబాద్‌లో ఈ సమావేశం జరపడం తెలంగాణకు గొప్ప గౌరవమని, BMS నాయకులను అభినందించారు. ప్రధాని మోడీ ‘శ్రమయేవ జయతే’ నినాదాన్ని ప్రపంచానికి చాటారని గుర్తు చేశారు.