భోజ్‌శాల వివాదంపై సుప్రీంకోర్టు కీలక నిర్ణయం: MP హైకోర్టు తీర్పును సమర్థించింది

భోజ్‌శాల వివాదంలో మధ్యప్రదేశ్ హైకోర్టు తీర్పును సుప్రీంకోర్టు సమర్థించింది. భోజ్‌శాలలో నమాజ్ చేసుకోవడానికి అనుమతి ఇవ్వాలని ముస్లిం సంఘాలు దాఖలు చేసిన పిటిషన్‌ను సుప్రీంకోర్టు తోసిపుచ్చింది. ఈ విషయంలో మధ్యప్రదేశ్ హైకోర్టు తీర్పులో జోక్యం చేసుకోవడానికి సుప్రీంకోర్టు నిరాకరించింది.

ముస్లిం సంఘాల తరపున సీనియర్ న్యాయవాది అభిషేక్ సింగ్వి వాదనలు వినిపించారు. భోజ్‌శాలలో 700 ఏళ్ల పాటు నమాజ్ కొనసాగిందని సింగ్వి వాదించారు. అయితే సుప్రీంకోర్టు ఆ వాదనను అంగీకరించలేదు.

భోజ్‌శాల సరస్వతి ఆలయంలో హిందువులే పూజలు చేసుకోవాలని, ముస్లిం సంస్థలు ఆ ప్రాంతాన్ని ఖాళీ చేయాలని మధ్యప్రదేశ్ హైకోర్టు ఇంతకుముందే కీలక ఆదేశాలు జారీ చేసింది. ASI సర్వే కూడా భోజ్‌శాలను హిందూ ఆలయంగా నిర్ధారించిందని స్పష్టం చేసింది.

కోర్టు ఉత్తర్వుల ముఖ్యాంశాలు:

భోజ్‌శాల పరిసర ప్రాంతాల్లో ఖాళీ జాగా ఉంటే ముస్లింలు తాత్కాలికంగా జుమా నమాజ్ చేసుకోవడానికి అధికారుల ద్వారా ఏర్పాట్లు చేయాలని సుప్రీంకోర్టు సూచించింది. మొత్తం వ్యవహారం సుప్రీంకోర్టులో పరిష్కారమయ్యే వరకు ఎటువంటి నిర్మాణాత్మక మార్పులు కోర్టు అనుమతి లేకుండా చేయడానికి వీలు లేదని ఆదేశించింది.

వ్యవహారంలో మధ్యప్రదేశ్ ప్రభుత్వానికి మరియు ASI కి సుప్రీంకోర్టు నోటీసులు జారీ చేసింది. భోజ్‌శాల వివాదంపై విచారణను సుప్రీంకోర్టు మూడు వారాల పాటు వాయిదా వేసింది. ఆ తర్వాత రోజువారీగా విచారణ నిర్వహిస్తామని కోర్టు ప్రకటించింది. ఈ తీర్పు ఉభయ పక్షాల హక్కులను దృష్టిలో పెట్టుకుని వెలువడిందని న్యాయనిపుణులు అభిప్రాయపడ్డారు.