రాజమండ్రిలో 100 పడకల ESIC ఆస్పత్రి ప్రారంభించిన కేంద్ర మంత్రి మన్సుక్ మాండవీయ

తూర్పు గోదావరి జిల్లా రాజమండ్రిలో 100 పడకల ESIC ఆస్పత్రిని కేంద్ర కార్మిక శాఖ మంత్రి మన్సుక్ మాండవీయ వర్చువల్ విధానంలో ప్రారంభించారు. ఈ కార్యక్రమంలో ఆంధ్రప్రదేశ్ కార్మిక శాఖ మంత్రి సుభాష్, ఇతర అధికారులు పాల్గొన్నారు.

ఈ ఆస్పత్రి 6 ఎకరాల విస్తీర్ణంలో ₹97 కోట్లతో నిర్మించబడింది. రోజుకు 450 మందికి పైగా రోగులకు వైద్య సేవలు అందించగల సామర్థ్యం ఉందని అధికారులు తెలిపారు. ఈ ప్రాంతంలోని 50 వేల మంది కార్మికుల కుటుంబాలు ఈ ఆస్పత్రి ద్వారా ఉచిత వైద్యం పొందనున్నాయి.

ఈ సందర్భంగా మంత్రి మాండవీయ మాట్లాడుతూ, ప్రస్తుత ప్రభుత్వం వచ్చిన తర్వాత ఇప్పటివరకు 383 మంది కార్మికులకు శస్త్రచికిత్సలు చేశామని, గత ప్రభుత్వం హయాంలో కార్మికులకు ఎలాంటి సర్జరీలు చేయలేదని పేర్కొన్నారు. ఇటీవల కేంద్రం 8 కొత్త ESIC ఆస్పత్రులకు ఆమోదం తెలిపిందని, చిత్తూరు, గుంటూరు, కర్నూలు జిల్లాల్లో సైట్ మంజూరు చేసినట్లు తెలిపారు.