పాలమూరు రంగారెడ్డి ఎత్తిపోతల పథకంలో తొలి యూనిట్ వెట్ రన్ విజయవంతం

పాలమూరు రంగారెడ్డి ఎత్తిపోతల పథకంలో భాగమైన నార్లాపూర్ పంప్ హౌస్‌లో తొలి యూనిట్ వెట్ రన్ విజయవంతంగా పూర్తయింది.

మొత్తం 8 పంపుల సామర్థ్యం ఉన్న ఈ పంప్ హౌస్‌లో ప్రస్తుతం 4 పంపులు సిద్ధంగా ఉన్నాయి. ఇరిగేషన్ అధికారులు తెలిపిన వివరాల ప్రకారం, మొదటి యూనిట్‌కు సంబంధించిన నార్లాపూర్ రిజర్వాయర్‌ను 2023 సెప్టెంబర్ 16 నాడు 4 TMC నీటితో నింపారు. సాంకేతిక కారణాలతో అప్పటి నుంచి పంపులను నడపలేకపోవడంతో వెట్ రన్ ఆలస్యమైంది.

ఇటీవల తెలంగాణ లిఫ్ట్ ఇరిగేషన్ ప్రాజెక్ట్స్ సలహాదారు పెంటా రెడ్డి ఈ ప్రాజెక్ట్‌ను పరిశీలించారు. శాశ్వత విద్యుత్ సరఫరా కోసం రూ. 160 కోట్లు కేటాయించాలని సీఎం రేవంత్ రెడ్డికి విజ్ఞప్తి చేశారు. దీంతో విద్యుత్ సరఫరా అందడంతో నాలుగు యూనిట్లలో మొదటి యూనిట్‌ను విజయవంతంగా నడిపారు.

దశల వారీగా మిగతా యూనిట్లలో కూడా వెట్ రన్ నిర్వహించేందుకు అధికారులు సిద్ధమవుతున్నారు. ఏదుల రిజర్వాయర్, పంప్ హౌస్ పనులు కూడా కొనసాగుతున్నాయి.