భద్రాద్రి జిల్లాలో రూ.30 కోట్ల రోడ్డు మూడేళ్లుగా అసంపూర్తి; గిరిజనులు తీవ్ర ఇబ్బందులు

భద్రాద్రి కొత్తగూడెం జిల్లా ఆశ్వారావుపేట నియోజకవర్గంలో మూడేళ్ల క్రితం ప్రారంభించిన రూ.30 కోట్ల రోడ్డు నిర్మాణం పూర్తి కాకపోవడంతో గిరిజన ప్రాంత ప్రజలు రాకపోకలకు తీవ్ర ఇబ్బందులు ఎదుర్కొంటున్నారు.

రోడ్డు పనుల్లో భాగంగా మట్టి రోడ్డును తవ్వి కంకర పరచారు. అయితే తారు వేయకుండా మూడేళ్లుగా పనులు నిలిచిపోయాయి. కేవలం కంకరతో ఉన్న ఈ రోడ్డు ప్రమాదకరంగా మారింది.

స్థానికులు మాట్లాడుతూ రాళ్లు, కంకరతో నడవడం చాలా కష్టం. చిన్న పిల్లలు స్కూలుకు వెళ్లడానికి, రోగులను ఆస్పత్రికి తరలించడానికి ఇబ్బంది పడుతున్నారు. అంబులెన్స్ సేవలు కూడా అందుబాటులో లేవు.

రోడ్డు నిర్మాణం పూర్తి చేయాలని, అధికారులు సత్వరమే స్పందించాలని గిరిజనులు విజ్ఞప్తి చేస్తున్నారు. ఈ విషయంపై సంబంధిత అధికారులు స్పందించాల్సి ఉంది.