తిరుపతి జిల్లాకు 350 విద్యుత్ బస్సులు రానున్నట్లు ఆర్టీసీ ఆర్ఎం జగదీష్ వెల్లడి

ఆంధ్రప్రదేశ్ ఆర్టీసీ తిరుపతి జిల్లాకు 350 విద్యుత్ బస్సులను ప్రవేశపెట్టనుంది. రాబోయే నెలలో 50 బస్సులు, ఆరు నెలల్లో మరో 300 బస్సులు రానున్నాయని అధికారులు తెలిపారు.

ప్రస్తుతం తిరుపతి అలిపిరి డిపోలో 100 విద్యుత్ బస్సులు నడుస్తున్నాయి. మరో రెండు నెలల్లో మంగళం డిపోకు 50 బస్సులు చేరనున్నాయి. దీంతో మొత్తం 150 బస్సులు అందుబాటులో ఉంటాయి.

కేంద్ర ప్రభుత్వం నుంచి 300 విద్యుత్ బస్సులు రానున్నాయి. వీటిలో 100 తిరుమలకు, 50 మంగళం 2వ డిపోకు, 100 శ్రీకాళహస్తికి, 50 పుత్తూరుకు కేటాయిస్తున్నారు. వీటి రాకతో తిరుపతి జిల్లాలో విద్యుత్ బస్సుల సంఖ్య 450కు చేరుతుంది.

తిరుపతి నగర విస్తరణ నేపథ్యంలో కొత్తగా మూడు డిపోలు ఏర్పాటు చేయాలని ప్రతిపాదించారు. రేణిగుంట, చంద్రగిరి, 150 బైపాస్ సమీపంలో డిపోలు ఏర్పాటుకు ప్రతిపాదనలు హెడాఫీసుకు పంపినట్లు ఆర్టీసీ ఆర్ఎం జగదీష్ తెలిపారు.

ఇదే సమయంలో, అన్నమయ్య, చిత్తూరు జిల్లాలకు సిఎన్జీ బస్సులు కేటాయిస్తున్నారు. తిరుపతిలో స్థలం సరిపడకపోవడంతో ప్రస్తుతం సిఎన్జీ బస్సులు రావడం లేదు. కానీ కొత్త డిపోలు వచ్చాక తిరుపతికి కూడా సిఎన్జీ బస్సులు రానున్నాయని జగదీష్ వివరించారు.

తిరుమల పర్యావరణ పరిరక్షణలో భాగంగా ప్రభుత్వం విద్యుత్ బస్సులకు ప్రాధాన్యం ఇస్తోంది.