92 ఏళ్ల వయసులోనూ సర్జరీలు చేస్తున్న డాక్టర్ సూరి శ్రీమతి

92 ఏళ్ల వయసులో ఉన్న డాక్టర్ సూరి శ్రీమతి ఇప్పటికీ సర్జరీలు చేస్తూ రోగులకు వైద్యం అందిస్తున్నారు. 68 ఏళ్ల కెరీర్లో ఆమె పలు ఆస్పత్రుల్లో పనిచేశారు.

1958లో ఉస్మానియా మెడికల్ కాలేజీ నుంచి MBBS పూర్తి చేశారు. మొదటి సర్జరీ 1959-60లో ఒక చిన్న పిల్లకు అత్యవసర పరిస్థితిలో చేశారు. ఆ తర్వాత ఆమె బంగారెడ్డి, ఉస్మానియా, గాంధీ, నిలోఫర్, కర్నూలు, నిజామాబాద్ వంటి నగరాల్లో వైద్య సేవలు అందించారు.

ప్రస్తుతం హైదరాబాద్లో ప్రాక్టీస్ చేస్తున్నారు. వారానికి సుమారు రెండు సర్జరీలు చేస్తారు. స్వయంగా కారు నడుపుతూ హాస్పటల్కు వెళతారు. డాక్టర్ రజిని, డాక్టర్ విజయమ్మ అనే ఇద్దరు అసిస్టెంట్లు ఆమెకు సహాయం చేస్తున్నారు.

ఉదయం 5 గంటలకే నిద్ర లేచి యోగా చేయడం, సాయంత్రం 5 గంటల నుండి క్లినిక్లో పేషెంట్లను చూడడం ఆమె దినచర్య. రిటైర్మెంట్ గురించి ఆలోచించలేదని, దేవుడు సంకల్పించినంత కాలం సేవ కొనసాగిస్తానని చెప్పారు.

92 ఏళ్ల వయసులోనూ వైద్యవృత్తిపై ఆమెకున్న అంకితభావం యువ వైద్యులకు స్ఫూర్తిగా నిలుస్తోంది.