ఆషాఢ మాసంలో గోరింటాకు: ఆచారం, ఆరోగ్య కారణాలు

వివాహిత మహిళలు ఆషాఢ మాసంలో గోరింటాకు పెట్టుకోవడం సంప్రదాయంగా వస్తోంది. ఈ మాసం మొదటి రోజు లేదా ఆదివారం, పౌర్ణమి లోపు పెట్టుకోవడం ఉత్తమమని చెప్పబడుతోంది.

వర్షాకాలం ప్రారంభంతో చేతులు, కాళ్ళు తడవటం వల్ల పాచిపోయే ప్రమాదం ఉంటుంది. గోరింటాకు పెడితే చర్మం ఎండిపోకుండా, చల్లగా ఉంచుతుందని, ఇన్ఫెక్షన్లను తగ్గిస్తుందని పెద్దలు చెప్పారు. అలాగే, శరీరంలోని వేడి తగ్గడానికి సహాయపడుతుంది.

పౌరాణికంగా, గోరింటాకు గౌరీదేవి ఇంటి ఆకుగా చెప్పుకుంటారు. గౌరీదేవి శరీరంలో నుంచి ఈ మొక్క పుట్టిందని నమ్మకం. అందుకే ఇది సౌభాగ్యానికి చిహ్నం. పెళ్లికాని అమ్మాయిలు కూడా మంచి భర్త కోసం గోరింటాకు పెట్టుకోవడం ఆచారం.

గోరింటాకును ఇంట్లో రుబ్బి చుట్టుపక్కల వారికి పంచడం ద్వారా సామాజిక సామరస్యం పెరుగుతుందని భావిస్తారు. అపార్ట్మెంట్ సంస్కృతిలోనూ ఈ సంప్రదాయం నేటికీ కొనసాగుతోంది.