CM చంద్రబాబు మంత్రులు, హెచ్‌ఓడీలతో సమీక్ష సమావేశం

AP CM చంద్రబాబు నాయుడు సచివాలయంలో మంత్రులు, శాఖాధిపతులు, కార్యదర్శులతో సమీక్ష సమావేశం నిర్వహించారు.

ఈ సందర్భంగా ఆయన మాట్లాడుతూ, ప్రభుత్వ శాఖల్లో ఏఐ, టెక్నాలజీ వినియోగం పెంచాలని సూచించారు. డేటా ఆధారిత నిర్ణయాల కోసం డ్యాష్‌బోర్డులు, ప్రిడిక్టివ్ అనలిటిక్స్ ఉపయోగించాలని చెప్పారు.

కీలక స్థానాల్లో ఉన్న కొందరు వ్యక్తులు ప్రతికూలంగా వ్యవహరిస్తే ఇబ్బందులు వస్తాయని హెచ్చరించారు. ఫీల్డ్ విజిట్లు చేయడం ద్వారా వాస్తవ పరిస్థితి తెలుస్తుందని, అధికారులు సమయపాలనతో క్షేత్రస్థాయికి వెళ్లాలని కోరారు.

పవర్ ఛార్జీల విషయంలో గత రెండేళ్లు, మూడో ఏడాది కూడా ఛార్జీలు పెంచలేదని, వచ్చే ఐదేళ్లలోనూ పెంచకుండా సర్దుబాటు చేసే అవకాశం ఉందని వివరించారు. అంగన్వాడీల్లో బియ్యం ఉడకబెట్టేందుకు ఇండక్షన్ స్టవ్‌లతో పాటు కొత్త స్టవ్‌లు కూడా అందుబాటులోకి వచ్చాయని, ఇవి ఇంధన ఖర్చు ఆదా చేస్తాయని చెప్పారు.

రాష్ట్రంలో వర్షాభావ పరిస్థితి 25 శాతం లోటు ఉందని, పట్టిసీమ ప్రాజెక్టు ద్వారా కృష్ణా, గోదావరి డెల్టాలకు నీరు అందించడం వల్ల పంటలు రక్షించబడ్డాయని అన్నారు. డ్రై ల్యాండ్ ప్రాంతాల్లో ప్రకృతి సేద్యం, నీటి సంరక్షణపై దృష్టి పెట్టాలని సూచించారు.