షాబాద్ రాజ్‌కుమార్ కేసులో పోలీసుల నిర్లక్ష్యంపై ఎమ్మెల్సీ విజయశాంతి ఆరోపణలు

షాబాద్‌కు చెందిన రాజ్‌కుమార్ కేసులో పోలీసులు ఉదాసీనంగా వ్యవహరించారని ఎమ్మెల్సీ విజయశాంతి ఆరోపించారు. ఈ కేసులో మొత్తం ఏడుగురు మరణించారని, పోలీసులు సమయానికి స్పందించి ఉంటే ఈ మరణాలు నివారించేవారని ఆమె అన్నారు.

పలుమార్లు బాధిత కుటుంబం పోలీసులకు ఫిర్యాదు చేసినా, తగిన చర్యలు తీసుకోలేదని విజయశాంతి తెలిపారు. బాధితురాలైన అమ్మాయితో మాట్లాడకుండా, కేసును షీ టీమ్స్ లేదా మహిళా భద్రతా విభాగానికి పంపించకుండా పోలీసులు నిర్లక్ష్యం చేశారన్నారు.

రాజ్‌కుమార్‌ను అరెస్టు చేయకుండా స్టేషన్ బెయిల్ ఇవ్వడం, కేసు విచారణలో 20 లక్షల రూపాయల లంచం ఆరోపణలు వెలుగులోకి వచ్చాయని ఆమె పేర్కొన్నారు. బాధితురాలి కుటుంబం భయపడుతున్నప్పటికీ పోలీసులు తగిన రక్షణ ఇవ్వలేదని విమర్శించారు.

రాజ్‌కుమార్ విడుదల చేసిన సెల్ఫీ వీడియోలో తనపై అమ్మాయే వత్తిడి తెచ్చిందని ఆరోపించాడు. కానీ బాధితురాలిని తొలుత ఎందుకు డబ్బు ఇచ్చాడనేది ముఖ్యమైన ప్రశ్న అని విజయశాంతి అన్నారు.

ఈ విషయంపై పోలీసులు ఎటువంటి అధికారిక స్పందన ఇవ్వలేదు.