తెలుగు-గోండి భాషల అనువాద యాప్‌ను ప్రారంభించిన ఆదిలాబాద్ ఐటీడీఏ

ఆదిలాబాద్ జిల్లాలోని ఐటీడీఏ (ఇంటిగ్రేటెడ్ ట్రైబల్ డెవలప్‌మెంట్ ఏజెన్సీ) గోండి భాషకు ప్రత్యేక మొబైల్ యాప్‌ను సిద్ధం చేస్తోంది. ఆదివాసీల మాతృభాష అయిన గోండిలో విద్యార్థులకు టెక్నాలజీ సాయం అందించేలా ఈ యాప్ రూపొందించారు.

గిరిజన ప్రాంతాల్లో చాలా మంది చిన్నారులకు తెలుగు అర్థం కావడం కష్టంగా ఉంటుంది. దాంతో పాఠశాల విద్యకు దూరం అవుతారు. ఈ సమస్యను గుర్తించిన ఐటీడీఏ అధికారులు, తెలుగు పదాలను గోండిలోకి అనువదించే యాప్ తయారీ ప్రారంభించారు.

ఈ యాప్‌లో తెలుగు పదాన్ని టైప్ చేస్తే గోండి అర్థం, ఉచ్చారణ చూపించడంతో పాటు వాయిస్ రికార్డింగ్ ఫీచర్ కూడా ఉంటుంది. ప్రస్తుతం 30 మంది టీచర్లు 1000 పదాలను గోండి భాషలోకి మారుస్తున్నారు. ఉదాహరణకు, ‘తల’ను గోండిలో ‘తల్ల’ అని, ‘చేతులు’ని ‘కైక్’ అని, ‘కళ్లు’ని ‘కడుపు’ అని పిలుస్తారు. పక్షులను ‘పిత్తలు’, చీకటిని ‘రాగు’ అంటారు.

ఈ యాప్‌తో తెలుగు తెలియని గిరిజన పిల్లలు తెలుగు పదాలు సులభంగా నేర్చుకోవచ్చు. అలాగే తెలుగు మాట్లాడే వారు కూడా గోండి భాషను నేర్చుకోవడానికి ఉపయోగపడుతుంది. రాబోయే రోజుల్లో ఈ యాప్‌ను అధికారికంగా విడుదల చేయనున్నట్లు అధికారులు తెలిపారు.