ఎయిర్ ఇండియా ఫ్లైట్‌లో కుదుపులు: పైలట్ కు రెండో డ్రగ్ టెస్ట్ లోనూ పాజిటివ్

ఫుకెట్ నుంచి ఢిల్లీ వెళ్తున్న ఎయిర్ ఇండియా విమానంలో తీవ్ర కుదుపులు సంభవించాయి. ఆగస్టు 4న ఏఐ2379 విమానం గాలిలో ఒక్కసారిగా 300 అడుగులకు పడిపోయింది. ఈ ఘటనలో 13 మంది ప్రయాణికులు, నలుగురు సిబ్బందికి తీవ్ర గాయాలయ్యాయి.

ఘటనపై డీజీసీఏ (DGCA) విచారణ ఆదేశించింది. ఢిల్లీ లాండింగ్ తర్వాత పైలట్ పై తొలి డ్రగ్ టెస్ట్ నిర్వహించారు. సైకోయాక్టివ్ పదార్థాల వినియోగంపై అనుమానాస్పద ఫలితం వచ్చింది. ఇప్పుడు రెండో డ్రగ్ టెస్ట్ ఫలితంలో కూడా పాజిటివ్ వచ్చిందని, పైలట్ గంజాయి సేవించినట్లు వైద్య పరీక్షల నివేదిక నిర్ధారించిందని అధికారుల వర్గాలు తెలిపాయి.

ప్రాథమిక దర్యాప్తులో విమానంలో నెగెటివ్ జీ (negative-G) పరిస్థితి ఏర్పడిందని, సీట్ బెల్ట్ లేని ప్రయాణికులు, సిబ్బంది తీవ్రంగా గాయపడ్డారని వెల్లడైంది. విమానం కుదుపుల సమయంలో పైలట్ తన సీట్లో లేడని ఆరోపణలు ఉన్నాయి. ఘటనకు సంబంధించి సాంకేతిక లోపం లేదా హైడ్రాలిక్ సమస్య ఉందా అనే కోణంలో కూడా అధికారులు దర్యాప్తు చేస్తున్నారు.

డీజీసీఏ సమగ్ర విచారణ జరుపుతోంది. అన్ని కోణాల్లో దర్యాప్తు కొనసాగుతోందని, విమానయాన నిబంధనల ప్రకారం తగిన చర్యలు ఉంటాయని విమానయాన అధికారులు తెలిపారు.