అక్షయ్ కుమార్ రిటైర్మెంట్ పై సరదా వ్యాఖ్యలు

బాలీవుడ్ స్టార్ అక్షయ్ కుమార్ తన రిటైర్మెంట్ గురించి మాట్లాడుతూ, అలాంటి ఆలోచన తనకు ప్రతి రోజు ఉదయం 4 గంటలకు 5 సెకన్ల పాటు మాత్రమే వస్తుందని హాస్యంగా చెప్పారు. 36 ఏళ్ల కెరీర్‌లో ఎన్నో హిట్ సినిమాలు ఇచ్చిన అక్షయ్, ప్రస్తుతం బాలీవుడ్‌లో అత్యంత busy నటులలో ఒకరు. ఓ ఇంటర్వ్యూలో ఆయన మాట్లాడుతూ, "ఉదయాన్నే లేచేసరికి 5 సెకన్ల పాటు రిటైర్ అయిపోదామనిపిస్తుంది. కానీ వెంటనే షూటింగ్ ఉందనీ, సెట్ మీద 300 మంది నా కోసం ఎదురుచూస్తున్నారనీ గుర్తుకు వస్తుంది. అప్పుడు 'రిటైర్మెంట్ గురించి రేపు ఆలోచిద్దాం' అనుకుంటాను. మళ్ళీ మర్నాడు ఉదయం 4 గంటలకే అదే ఆలోచన. ఇలా 36 ఏళ్లు గడిచిపోయాయి" అని తెలిపారు. ఇక రిటైర్మెంట్ అనేది తనకు పెద్ద విషయం కాదని, ఒకవేళ రిటైర్ అయితే ఇంటి పనులు, ఎలక్ట్రీషియన్ పని, డాగ్ వాకర్, గార్డెనర్‌వంటి పనులు చేయాల్సి వస్తుందని, పనికి వెళ్తేనే నయమని సరదాగా అన్నారు. అక్షయ్ కుమార్ ఏడాదికి 4-5 సినిమాలు చేస్తూ బాలీవుడ్‌లో తనదైన ముద్ర వేశారు. ప్రస్తుతం ఆయన పలు సినిమాలతో బిజీగా ఉన్నారు.