Alia Bhatt 'Alpha' Teaser: వైఆర్ఎఫ్ మహిళా స్పై సినిమా టీజర్ విడుదల

బాలీవుడ్ స్పై యూనివర్స్‌లో యష్ రాజ్ ఫిల్మ్స్ (YRF) కొత్త సినిమా 'ఆల్ఫా' టీజర్ విడుదలైంది. ఆలియా భట్ హీరోయిన్‌గా నటిస్తున్న ఈ సినిమా, పూర్తి మహిళా కేంద్రంగా తెరకెక్కుతోంది.

YRF స్పై సిరీస్ 13 ఏళ్ల కిందట సల్మాన్ ఖాన్ 'ఏక్ థా టైగర్'తో మొదలైంది. 'టైగర్ జిందా హై', 'పఠాన్', 'వార్' వంటి సినిమాలు మంచి విజయాలు సాధించాయి. కానీ ఇటీవలి 'టైగర్ 3', 'ఫైటర్', 'వార్ 2' వంటి చిత్రాలు అంచనాలను అందుకోలేకపోయాయి. దీంతో స్పై జోనర్‌పై ప్రేక్షకుల ఆసక్తి కొంత తగ్గింది.

ఈ నేపథ్యంలో YRF తాజాగా 'ఆల్ఫా'తో మళ్లీ ప్రయత్నిస్తోంది. ఇది ఒక తండ్రి తన కూతుర్ని చిన్నప్పటి నుంచి గూఢచారిగా తీర్చిదిద్దే ప్రయత్నం, ఓ మిషన్ కోసం ఆమె తీసుకునే నిర్ణయాల చుట్టూ కథ నడుస్తుంది. టీజర్‌లో ఆలియా భట్ యాక్షన్ అవతార్‌ను చూపించారు.

ఇటీవల విడుదలైన 'దురందర్' సినిమా స్పై జోనర్‌ని మళ్లీ హైలైట్ చేయడంతో, 'ఆల్ఫా'పై వాణిజ్య అంచనాలు ఏర్పడ్డాయి. ఈ సినిమా విడుదల తేదీని YRF ఇంకా ప్రకటించలేదు.