అల్లరి నరేష్: 'పదేళ్ల నరేష్ను చూస్తారు' నాగార్జున ప్రొడక్షన్లో కొత్త కామెడీ సినిమా

నటుడు అల్లరి నరేష్ తాను నటిస్తున్న కొత్త సినిమా వివరాలు పంచుకున్నారు. ఈ చిత్రం నాగార్జున నిర్మాణంలో తెరకెక్కుతోంది. ఇది పూర్తి కామెడీ ఎంటర్‌టైనర్ అని, పదేళ్ల తర్వాత ప్రేక్షకులు తమకు నచ్చిన అల్లరి నరేష్‌ను మళ్లీ చూస్తారని ఆయన ఆశాభావం వ్యక్తం చేశారు.

నాగార్జునతో పనిచేయడం తన చిన్ననాటి కల అని నరేష్ చెప్పారు. 'చిన్నప్పటి నుంచి నాగార్జున గారికి నేను పెద్ద ఫ్యాన్‌ని. ఆయనతో 'నా స్వామి రంగాలు' సినిమాలో నటించిన తర్వాత, ఇప్పుడు ఆయన ప్రొడక్షన్‌లో సినిమా చేయడం చాలా సంతోషంగా ఉంది' అని నరేష్ పేర్కొన్నారు. ఈ సినిమాకు దర్శకుడు రాజా అని, 30 నుంచి 35 మంది నటీనటులు, హాస్యనటులు ఇందులో ఉన్నారని తెలిపారు. 'కరోనా తర్వాత సినిమాల్లో నటీనటులు, టెక్నీషియన్లను తగ్గించారు. కానీ రాజా గారు ఎక్కడా తగ్గించకుండా అందరినీ తీసుకున్నారు' అని నరేష్ అన్నారు.

డిసెంబర్ నెలలో ఈ సినిమా షూటింగ్ జరిగింది. -6 నుంచి -7 డిగ్రీల ఉష్ణోగ్రతల్లో నటీనటులు కాస్ట్యూమ్స్ వేసుకుని రాత్రంతా షూట్‌ చేశారని నరేష్ చెప్పారు. ఈ సందర్భంగా సహనటి సురభి, మిగతా నటీనటుల కృషిని ఆయన అభినందించారు. 'మా నందు గారిని నేను ఎప్పుడూ అడుగుతుంటాను, కామెడీ సినిమాలు ఎందుకు రావట్లేదని. ఆయన దర్శకత్వం వైపు వెళ్లకుండా, కామెడీ రచయితగానే కొనసాగాలని కోరుతున్నాను' అని నరేష్ అన్నారు. తాజా సినిమా స్క్రిప్ట్ చదివి తాను చాలా రోజుల తర్వాత నవ్వుకున్నానని, థియేటర్లో ప్రేక్షకులు కూడా అలాగే నవ్వుతారని ఆయన విశ్వాసం వ్యక్తం చేశారు.