కోనసీమ రైల్వే లైన్పై సీఎం చంద్రబాబు క్లారిటీ ఇవ్వలేదు: అమలాపురం ఎంపీ విజ్ఞప్తి

అమలాపురం ఎంపీ గంటి హరీష్ మాధుర్ 2024 ఎన్నికల్లో కోనసీమ రైల్వే లైన్ ప్రాజెక్టును పూర్తి చేస్తానని హామీ ఇచ్చారు. ఇటీవల సీఎం చంద్రబాబు జిల్లా పర్యటన సందర్భంగా ఆయన ఈ హామీని గుర్తు చేస్తూ విజ్ఞప్తి చేశారు. అయితే సీఎం ప్రాజెక్ట్ పూర్తి తేదీపై ఎలాంటి స్పష్టత ఇవ్వలేదు.

సీఎం చంద్రబాబు మాట్లాడుతూ, కొన్ని పనులు రాత్రికి రాత్రి పూర్తి కావని, కేంద్రం ఈ ప్రాజెక్ట్ విషయంలో చురుగ్గా ముందుకు రావడం లేదని అన్నారు. దీంతో రైల్వే లైన్ ఎప్పుడు పూర్తవుతుందనేది చెప్పలేని పరిస్థితి నెలకొంది.

1999లో దివంగత లోక్సభ స్పీకర్ జీఎంసీ బాలయోగి హయాంలో కాకినాడ-నరసాపురం రైల్వే లైన్ పనులు మొదలయ్యాయి. మొత్తం 102 కిలోమీటర్లలో కాకినాడ-కోటిపల్లి మధ్య 45 కిలోమీటర్ల ట్రాక్ పూర్తయినా, కోటిపల్లి-నరసాపురం మధ్య 57 కిలోమీటర్ల మిగిలిన పను లింకా మిగిలి ఉంది. గోదావరి పాయలపై వంతెనల నిర్మాణం, కేవలం పిల్లర్లు మాత్రమే ఏర్పాటయ్యాయి.

అమలాపురం రూరల్ మండలం బట్నబిల్లిలో భూసేకరణ వివాదాలు, రాష్ట్ర నిధుల జాప్యం ప్రాజెక్టుకు ఆటంకంగా మారాయి. అంచనా వ్యయం దాదాపు రూ.3,000 కోట్లకు చేరింది. ఈ నేపథ్యంలో ఎంపీగా హరీష్ మాధుర్ తగినంత కృషి చేయడం లేదని కొన్ని వర్గాల నుంచి విమర్శలు వస్తున్నాయి. జిల్లా మంత్రి వాసం శెట్టి సుభాష్ కూడా ఈ అంశంపై స్పందించడం లేదనే విమర్శ ఉంది.