అమరావతిలో 21.77 కి.మీ పొడవు కారిడార్ రోడ్ ఈ నెల 13న ప్రారంభం

అమరావతి రాజధాని ప్రాంతంలో నిర్మించిన 21.77 కిలోమీటర్ల పొడవైన కొత్త రోడ్డు ఈ నెల 13న ప్రారంభం కానుంది. ముఖ్యమంత్రి చంద్రబాబు నాయుడు ఈ ప్రారంభోత్సవం నిర్వహిస్తారు.

ఈ రోడ్డు దొండపాడు నుంచి ప్రారంభమై రాయిపూడి, వెంకటపాలెం, పెనుమాక, ఉండవల్లి, తాడేపల్లి మీదుగా ఎన్హెచ్ 16 జాతీయ రహదారిలో కలుస్తుంది. ఇది కేవలం ఒక రహదారి మాత్రమే కాకుండా, భవిష్యత్తు అవసరాల కోసం అండర్ గ్రౌండ్ యూటిలిటీస్ కారిడార్‌గా నిర్మించబడింది.

ఈ రోడ్డు వెంట వాటర్ సప్లై, పైప్‌లైన్లు, గ్యాస్ లైన్లు, పవర్ కేబుల్స్, సీవర్ లైన్లు, స్మార్ట్ వాటర్ డ్రైనేజీ వ్యవస్థలు భూగర్భంలో ఏర్పాటు చేశారు. దీనివల్ల భవిష్యత్తులో రోడ్డు తవ్వకుండా ఎలాంటి మౌలిక సదుపాయాల మార్పులు, మరమ్మతులు చేసుకోవచ్చు.

దీన్ని అంతర్జాతీయ ప్రమాణాలతో నిర్మించారు. ప్రధాన క్యారేజ్ వేతో పాటు బీఆర్టీఎస్ మార్గం, సర్వీస్ రోడ్లు, సైకిల్ ట్రాక్, ఫుట్‌పాత్, గ్రీన్ బెల్టులు ఉన్నాయి. ఉండవల్లి వద్ద ఎన్హెచ్ 16తో మణిపాల్ హాస్పిటల్స్ దగ్గర కలుస్తుంది. ఎన్హెచ్ 16 కనెక్టివిటీ కోసం సీడ్ యాక్సెస్ రోడ్, రెండు స్టీల్ బ్రిడ్జిలు, ఎలివేటెడ్ కారిడార్ నిర్మించారు.